Qurilish ishlari ko‘zdan kechirildi

Surxondaryo viloyati hokimi Sariosiyo tumaniga tashrifi chog‘ida Ko‘zi ojizlar jamiyatiga qarashli o‘quv ishlab chiqarish korxonasi faoliyati bilan tanishish davomida ishlab chiqarish obyektlari yaroqsiz holatga kelib qolganligining guvohi bo‘ldi. Shu bois ushbu obyektlarni buzib o‘rniga yangi zamonaviy ishlab chiqarish hududi tashkil etish va hududni eng namunali o‘quv ishlab chiqarish maydoniga aylantirilishi yuzasidan topshiriq bergan edi.
Shundan so‘ng, qurilish ishlari boshlab yuborilgan edi. Sariosiyo tumani hokimi Abduqodir Donayev mas’ullar bilan birgalikda “Sa’diy Sheroziy” mahallasida joylashgan Ko‘zi ojizlar jamiyatiga tashrif buyurib, yangi qurilayotgan ishlab chiqarish korxonasida olib borilayotgan ishlar bilan tanishdi.
Korxona qurilishi sifati ko‘zdan kechirish jarayonida yo‘l qo‘yilgan kamchiliklarni bartaraf etish hamda belgilangan muddatda korxonani jihozlab foydalanishga topshirish yuzasidan mas’ullarga vazifa yukladi.