Jadidlar hayoti “Armon” filmida

Jadidchilik harakatining o‘zbek xalqi hayotida o‘z o‘rni bor. Ularning xizmati, harakati bilan xalqning ko‘zi ochildi, hurlik, hurfikrlilik, ilmu ma’rifat bilan yorug‘ manzillarga yetish mumkinligini angladi. Ha, ularning ibratli hayot yo‘li, qilgan ishlari, ilgari surgan g‘oyalari hozir ham o‘z ahamiyatini, qiymatini yo‘qotgan emas. Ularni o‘rganish esa biz avlodlar qalbiga faxr va iftixor tuyg‘ularini uyg‘otadi.
To‘g‘ri, jadidchilik harakatini kitoblardan o‘qib olish, bilish mumkin, ammo taassurotlar tugal bo‘lishi uchun o‘sha davr nafasini, jadidlarning harakatini ko‘rish his qilish lozim. “Armon” deb nomlanuvchi film esa tomoshabinga ana shu nafasni his qilishga yordam bera oladi. Film jadidchilik harakati tarixi va uning yetuk namoyondalari taqdiri, 1917-yilgi Markaziy Osiyodagi ijtimoiy-siyosiy voqealar rivojiga bag‘ishlangan.
Ruslan Soliyev rejissyorligida tasvirga olingan mazkur filmdagi voqealar dunyoning yetakchi olimlari tomonidan hikoya qilinadi. Ayni damda “Armon” filmi taqdimoti bo‘lib o‘tayotir.