Yurtimizda bayramlar, muhim sanalar munosabati bilan katta tadbirlar, uchrashuvlar, bayram dasturlari o‘tkazilib, yurtdoshlarimiz munosib xordiq chiqarishadi. O‘zbekiston Respublikasi Davlat bayrog‘i qabul qilingan kun munosabati bilan Surxondaryo viloyatida ham bayram tadbirlari, kechalar, sport musobaqalari, bilimlar bellashuvlari o‘tkazildi. Termiz shahrida o‘tkazilgan “Yangi nafas” ommaviy yugurish marafoni esa ana shunday tadbirlarning davomi bo‘ldi, deyish mumkin. Erta tongdan bir maqsad yo‘lida yoshu keksa bir manzilda jam bo‘lganidan ko‘rish mumkinki, yugurish marafoniga va davlatimiz ramzlariga xalqimizning e’tibori nihoyatda katta.
Yugurish marafonida 4 mingdan ortiq ishtirokchi 3 kilometr masofa sari yugurish uchun start chizig‘iga turdilar va g‘oliblik, salomatlik uchun birga yugurdilar. Tantanali musiqa sadolari bilan yuqori kayfiyatda boshlangan marafonda barchaning qo‘lida davlatimiz bayrog‘i hilpirab turgani kishi ko‘nglida beixtiyor vatanparvarlik tuyg‘ularini mavjlantirib yuboradi.
Va nihoyat marafon ishtirokchilari birinma-ketin belgilangan masofani bosib o‘tib, finish chiziga ham yetib keldilar. Jarqo‘rg‘onlik Bekzod Boymatov birinchi bo‘lib, finishdan o‘tdi va g‘olib bo‘ldi. Marafon taqdirlash marosimiga ulanib, g‘oliblar munosib taqdirlandi. Ajoyib kuy-qo‘shiqlar barchada bayram kayfiyatini ulashdi.
G‘oliblik, salomatlik uchun…
Date:
Tavsiya qilamizRelated
“Xayr bog‘cha – salom maktab”
Viloyatimizning barcha maktabgacha ta’lim tashkilotlarida "Xayr bog‘cha – salom...
Yong‘in 14 soatda o‘chirildi
Boysun tumanidagi “Kengdala” o‘rmon xo‘jaligi bo‘limiga qarashli archazorlarga tutash...
TerDU: targ‘ibot tadbirlari Boysunda
Yurtimizda oliy ta’lim dargohlari soni yil sayin oshib bormoqda....
“Yozgi sog‘lomlashtirish — muhim davr”
Uzun tumanidagi 4-sonli davlat maktabgacha ta’lim tashkilotida “Yozgi sog‘lomlashtirish...
