Qadriyatlar qadr topdi

Alla tinglamagan bola, alla aytmagan ona bo‘lmasa kerak. Go‘dakligimizdan milliy ohang og‘ushida miriqib orom olamiz, ulg‘ayamiz. Hayotimiz davomida milliy kuy-qo‘shiqlar, laparlar, baxshiyonalar hamrohimiz bo‘ladi. Quloqlarimiz o‘rgangan ohang bizni milliy qadriyatlarni qadrlash, insonparvarlik, vatanparvarlik ruhida ulg‘aytiradi. Beixtiyor xirgoyi qiladigan qo‘shiqlarimizda, aytishuvlarimizda xalq og‘zaki ijodining o‘lmas namunalari jarang topadi.
Sho‘rchi tumanidagi 31-umumta’lim maktabida “Xalq og‘zaki ijodi va turlari” mavzusida o‘tkazilgan tadbir ham o‘ziga xos va muhim ahamiyat kasb etdi. Asosiysi, o‘quvchi-yoshlar ota-bobolarimiz ijro etgan qo‘shiq, lapar va allalarni ijro etishdi. Milliylikka zamonaviy tus berib, barchani o‘zlariga mahliyo etishdi.