Qandli diabet ovoz orqali aniqlanadi

O‘zingizda qandli diabet borligiga shubha qilsangiz, kerakli tekshiruv va tahlillardan o‘tishingizga to‘g‘ri keladi. Shundan so‘nggina gumoningiz to‘g‘ri yoki noto‘g‘ri ekani aniq bo‘ladi. Amerika diabet assotsiatsiyasi ko‘rsatmalariga muvofiq esa qandli diabetni ovoz orqali aniqlash mumkinligiga nima deysiz? Ha, tinib-tinchimgan olimlar ana shunday imkoniyatlarimiz borligini ham ko‘rsatib qo‘yishdi.
Aytish kerakki, ushbu mexanizmning ishlash tamoyili oddiy. Bir kishi ma’lum davr oralig‘ida bir xil iborani takrorlab, o‘z tovushini yozib oladi. Shundan so‘ng audiodagi individual fiziologik parametrlar sun’iy intellekt tomonidan tahlil qilinadi.
Ushbu tadqiqot uchun Amerika diabet assotsiatsiyasi ko‘rsatmalariga muvofiq, kasallik tashxisi qo‘yilgan ko‘ngillilar jalb qilingan. Ishtirokchilar 2 hafta davomida kuniga 6 marotabadan ma’lum bir iborani talaffuz qilib, o‘z smartfonlariga yozib olgan. Sun’iy intellektning bu boradagi imkoniyatlarini baholagan tadqiqotchilar sog‘lom va bemor insonlarning ovoz parametrlari bir-biridan keskin farqlanishini aniqladi.
Ma’lum bo‘lishicha, bu jarayonda 14 ta akustik xususiyat bemorning qandli diabetga chalinganini ifodalaydi.