Adabiyot, kitob mutolaasi haqida gap ketsa, suhbat qizg‘in tus olishi, munozaralar soatlab davom etishi mumkin. Bunday adabiy kechalarda mutolaaga qiziqmaydiganlar ham adashib ishtirok etib qolsa bormi, albatta, kitob o‘qishga qiziqib qolishi aniq. Termiz davlat universitetida tashkil etilgan adabiy uchrashuv ham ana shunday qiziqarli va muhim ahamiyat kasb etdi.
Uchrashuvga Yozuvchilar uyushmasi viloyat boʻlimi raisi Mengnor Ollomurod, oʻzbek adibi va dramaturgi, Oʻzbekiston Davlat sanʼat va madaniyat instituti dotsenti Qoʻchqor Norqobil ishtirok etdi. Unda talaba-yoshlar oʻrtasida kitob mutolaasi va kitobxonlik madaniyatini yanada oshirish, kitobning inson maʼnaviyatida tutgan beqiyos oʻrni xususida soʻz yuritildi. Adib qalamiga mansub ijodiy namunalar oʻqib berildi.
