Yangi sport kompleksi ochildi

Yoshlar darsdan so‘ng bo‘sh vaqt topdi deguncha sport bilan mashg‘ul bo‘lishi odatiy hol. Buning uchun albatta, sport maydonchasi va u yerda barcha shart-sharoitlar muhayyo bo‘lsa, nur ustiga nur. Sariosiyo tumanidagi 5-umumtaʼlim maktabida yoshlarning orzu-istagidagi sport kompleksining ochilish marosimi oʻtkazildi.
Ochilish marosimiga “Nuroniy” jamgʻarmasi Sariosiyo tuman boʻlimi raisi, tuman hokimi maslahatchisi S.Qosimov, tuman Maktabgacha va maktab taʼlimi boʻlimi boshligʻi T.Oʻzbekov, maktab maʼmuriyati va ota-onalar qatnashdilar. Ushbu sport kompleksi mini-futbol, basketbol, voleybol, badminton va gandbol maydonchalaridan iborat bo‘lib, yoshlar ushbu sport turlari bilan mashg‘ul bo‘lishlari mumkin. Ajab emas, qisqa fursatlarda ayni sport kompleksidan yurtimiz sharafini himoya qilib, davlatimiz bayrog‘ini eng yuqori cho‘qqilarga olib chiquvchi chempionlar yetishib chiqsa…