Volontyorlarning ezgulikka boshlovchi harakatida mehr-oqibat, insoniylik tuyg‘ulari mujassam. Ularning qadami yetgan joyda, albatta, ko‘ngil uylari obod bo‘lib, kayfiyatlar ko‘tariladi. Ko‘pincha qo‘llari duoga ochilganlar ularning safi ko‘payib, jamiyat hayotimizda o‘rnak bo‘lishlarini tilashadi.
Ana shunday istak va tilaklarning ro‘yobi sifatida Surxondaryo volontyorlar maktabida 5-mavsum ochilish marosimi bo‘lib o‘tdi. Ijtimoiy hayotga befarq bo‘lmagan yuragi o‘ti va shijoati bor yoshlar bir maqsad yo‘lida birlashdi.
Do‘stona ruhda tashkil etilgan uchrashuvda volontyorlarga “Volontyor-kim?” mavzusida trening o‘tkazildi. Har taraflama qizg‘in bahs-munozaralar, unutilmas voqealar va foydali ma’lumotlarga boy bo‘lgan uchrashuvda “Ice-breaking” o‘yinlari tashkillashtirildi.
