Tailand delegatsiyasi bilan uchrashuv

Qadim tarixga ega vohamiz tarixiy qadamjolar, madaniy va ma’naviy merosga boy. Qolaversa, viloyatimizning Termiz, Sho‘rchi, Muzrabot, Sherobod va Denov tumanlarida 10 ta buddaviylik inshootlari mavjud. Bu vohaga kelishga qiziqishni oshiradi, turizm sohasini rivoj toptirishga xizmat qiladi. Ayni sababdan ham surxon zaminining ayni jihatlari turizm sohasida ko‘plab shartnomalar imzolanib, sayyohlar oqimini kengaytirishga sabab bo‘lmoqda
Surxondaryo viloyati hokimi Ulug‘bek Qosimov Tailand Amaliy san’at departamenti Ijrochi direktori, Tailand muzeylari idorasi direktori Nitaya Kanokmongkol boshchiligidagi delegatsiyani qabul qildi. Samimiy ruhda o‘tgan uchrashuvda delegatlar bilan Surxondaryoda joylashgan qadimgi buddizm obidalariga Tailandlik sayyohlarni keng jalb qilish, turizm sohasidagi o‘zaro hamkorlik aloqalarini kengaytirish masalalari muhokama qilindi.
Kelgusida Tailandliklarning Surxondaryoga sayohatlarini ko‘paytirish maqsadida buddizm obidalari bo‘ylab turlar tashkil etish bo‘yicha kelishib olindi.
Delegatsiya a’zolarining viloyatimizga tashrifi davom etmoqda.