Hunarmand Shahzoda Abdullayeva Hindistonda

Milliy hunarmandchiligimiz, qadriyat va an’analarimiz haqida gap ketsa, shubhasizki, san’at, go‘zallik, nafislik, yaratuvchanlik bilan qorishib ketgan san’at asarlari ko‘z o‘ngimizda namoyon bo‘ladi. Albatta, ana shunday yaratiqlarni qilish uchun qalb go‘zal, yaratgan yuqtirgan iqtidor bo‘lishi kerak. Ana shuning uchun ham san’atimiz, hunarmandchiligu an’analarimiz qadriyat darajasiga ko‘tarilgan.
Surxon vohasi hunarmandchiligiga nazar tashlasangiz, issiq va haroratli ranglarning uyg‘unligini his etasiz. Bunday hunarmandchilik buyumlari xalqaro ko‘rgazmalardan joy olsa bormi, hayrat va havas uyg‘otishi, e’tiborga tushib, e’tirof etilishi aniq.
Muzrabotlik hunarmand Shahzoda Abdullayeva ham ayni kunlarda Hindistonda o‘tkazilayotgan xalqaro hunarmandchilik festivalida ishtirok etib, ko‘rgazmaga taqdim etgan hunarmandchilik mahsulotlari orqali o‘zi va ishini mashhur qilishga muvaffaq bo‘ldi.