VODIY OCHIQ CHEMPIONATIDA G‘OLIB BO‘LISHDI

Sport musobaqasida ishtirok etib, g‘oliblikni qo‘lga kiritish sportchining kuchi va mahoratiga berilgan bahodir. O‘z navbatida sportchi ham bundan quvonishi, o‘ziga bo‘lgan ishonchi ortishi bilan birga, g‘oliblik orqasidan yanada nufuzli musobaqaga ishtirok etish yo‘llanmasi uni o‘z ustida qattiqroq ishlashga undaydi, mas’uliyatini oshiradi. Jarqo‘rg‘on tumanidagi 43-sonli umumta’lim maktabi o‘quvchilari B.Ishmurodova va O.Xushboqovlarda ham xuddi shunday bo‘ldi.
Ular taekwondo WT sport turi bo‘yicha bolalar, o‘smirlar, yoshlar va kattalar o‘rtasida vodiy ochiq chempionati musobaqasida g‘oliblikni qo‘lga kiritib, Qatar poytaxti Doxa shahrida bo‘lib o‘tadigan musobaqada qatnashish imkoniyatini qo‘lga kiritishdi.