Vahimaga tushmaslik uchun…

Maktabda dars qizg‘in tus olgan paytida birdaniga favqulotda holat qo‘ng‘irog‘i yangray boshlasa, barchaning diqqati bo‘linishi aniq. Shu bilan bir qatorda sergak tortib, barcha maktab binosidan tushishi va xavfsiz joylarga o‘tishi lozim. Ana shunday holatlar paytida o‘quvchilarning tayyorgarligini oshirish, vahimaga tushib qolmasliklari uchun joylarda hududning seysmik xavfsizligini ta’minlashga oid o‘quv-amaliy mashg‘ulotlari o‘tkazib kelinmoqda.
Sherobod tuman ixtisoslashtirilgan maktabi va tuman Favqulodda vaziyatlar bo‘limi hamkorligida tashkil etilgan o’quvda ta’lim muassasasining o‘quvchi-yoshlari orasida zilzila binolar, yo‘llar, ko‘priklar va boshqa obyektlarga jiddiy zarar yetkazganda, shuningdek, jarohatlarga olib kelishi mumkin bo‘lgan hodisalarning oldini olish, zilzila paytida o‘zini himoya qilish, vahimaga qo‘ymaslik, xotirjamlikni saqlash, obyektlar tushishi mumkin bo‘lgan joylardan saqlanish, birinchi yordam ko‘rsatish borasida amaliy-o‘quv harakatlari tushuntirib o‘tildi.