“Ijtimoiy xizmat darchalari” tashkil etiladi

Ijtimoiy himoyaga muhtoj aholi qatlamlariga imtiyoz va yengilliklar yaratilmoqdaki, bu bilan ularning og‘irini yengil, mushkulini oson qilish maqsad qilinadi. 2024-yil 1-yanvardan boshlab barcha tuman (shahar) davlat xizmatlari markazlarida alohida “Ijtimoiy xizmat darchalari” tashkil etilishi ham ana shunday ishlarning davomidir.
Aytish kerakki, “Ijtimoiy xizmat darchalari” orqali ijtimoiy xizmatlar va yordam ko‘rsatish uchun arizalar qabul qilish imkoniyati yaratiladi. Shuningdek, nogironligi bo‘lgan bolalarni ta’limga jalb etish, sanatoriylarga yo‘llanma berishning ochiqligini ta’minlash, nogironlikni belgilash tartibini takomillashtirish, va ijtimoiy himoyaga muhtoj aholi manfaatini ko‘zlab sudga kiritilgan arizalar bojdan ozod qilinadi.