O‘qituvchi faoliyatiga to‘sqinlik qilmang

Ko‘p hollarda o‘qituvchilarning faoliyatiga to‘sqinlik qilish holatlari ham uchraydi. O‘quvchilarning bilimini, tarbiyasini xolis baholashlariga to‘sqinlik qilishadi. Buning uchun esa qonunda javobgarlik borligini ular bilisharmikan?
Xolbuki, pedagoglarning faoliyatiga taʼlim oluvchilar bilimini toʻgʻri va xolis baholashiga taʼsir koʻrsatish orqali aralashish yoki pedagogning xizmat vazifalarini bajarishiga toʻsqinlik qilish fuqarolarga BHMning 7 baravaridan 10 baravarigacha, mansabdor shaxslarga esa 10 baravaridan 15 baravarigacha jarima solishga sabab boʻladi.
Mazkur huquqbuzarliklar maʼmuriy jazo chorasi qoʻllanilganidan keyin 1 yil davomida takror sodir etilsa, fuqarolarga BHMning 10 baravaridan 15 baravarigacha, mansabdor shaxslarga esa 15 baravaridan 20 baravarigacha miqdorda jarima solinishi yoki 15 sutkagacha maʼmuriy qamoqqa olish chorasi ham qo‘llanilishi mumkin.