G‘alaba bilan qaytishdi

Yosh avlodning sport bilan muntazam shug‘ullanishi uchun barcha zamonaviy shart-sharoitlar yaratilgan. Mahoratli, o‘z sohasida muvaffaqiyatga erishgan trenerlarning jalb etilgani esa sportchi yoshlarning yutug‘i bo‘lib xizmat qilishiga shubha yo‘q. Tayyorgarlikni sinovdan o‘tkazuvchi maydon esa sport musobaqalaridir. Sport musobaqalari orqali sportchi-yoshlar o‘z irodasi, kuchi va imkoniyatiga bo‘lgan ishonchni mustahkamlaydi.
O‘ziga ishonchi baland surxon yoshlari Xorazm viloyatida o‘tkazilgan sportning “Usmonov konbat sistems” yakkakurash turi bo‘yicha Osiyo kubogi chempionat musobaqasida ishtirok etdilar. Quvonarlisi, kuchlilar jam bo‘lgan musobaqada yosh vohadoshlarimiz ham bo‘sh kelishmadi. Asadbek Xushvaqtov oltin medalni, 2-o‘rin va kumush medalni Sodiqjon Sheraliyev, 3-o‘rin va bronza medalni Davlatbek Normengliyev qo‘lga kiritdi.