“PLAN TO‘YI” BO‘LIB O‘TDI

Har bir sohaning o‘z atama va terminlari bo‘ladi va u faqat soha odamlarigagina tushunarli. Qishloq xo‘jaligi sohasida ham javlon urib mehnat qilayotganlarning-da, o‘zlariga xos ana shunday terminlari bor. Tildan-tilga o‘tib, yarim hazil-yarim chin gaplar bilan aytganda, terimchilar-u fermerlar paxta rejasini bajarishganda “plan to‘ylari”ni o‘tkazish, yutuqlarini nishonlash odat tusiga kirgan.
Ana shunday “plan to‘y” Jarqo‘rg‘on tumani “Loyqand chinori” hududidagi “Abduxalil fayz baraka” fermer xo‘jaligida bo‘lib o‘tdi. Fermer xo‘jaligi rahbari Ulug‘bek Supiyev 20 gektar paxta maydonidan belgilangan rejani ortig‘i bilan bajargani uchun to‘y qilib, terimchilarga osh berdi. Ushbu tadbirda sektor rahbarlari ham ishtirok etib, tuman hokimi Elmurod Avazov ilg‘or terimchilarga o‘z minnatdorchiligini bildirib, esdalik sovg‘alari topshirdi.