Baxtli oila formulasi

Matematik formulalarni hamma ham tushunavermagani uchun fanni yoqtirishmaydi. Eng qiziqarli va hayotiy fan matematika aslida. Qonun-qoida tusini berib, aynan ana shunday formula asosida misollarni yechishni hayotga, turmush tarzimizga ko‘chirsakchi, unda bu formulani nima deb nomlashimiz mumkin. Albatta, baxtli oila formulasi. Oila baxtli bo‘lishi uchun esa oddiy jihatlarni, burch va vazifalarimizni to‘laqonli bajarsak, har qanday vaziyatda insoniylik, mehr-oqibat tuyg‘ulari bilan yondashsak, kifoya. Bu formulaning qonuniyatlarini bir xilda saqlash esa ko‘p hollarda xotin-qizlarga bog‘liqdek nazarimizda.
Shu jihatdan maktabdagi o‘quvchi-qizlarni hayotga tayyorlab borish, ularda ezgu fazilatlarni shakllantirish maqsadida Termiz tumanidagi ta’lim muassasalarida baxtli oila formulasi yuzasidan davra suhbatlari tashkil etildi. Suhbat davomida o‘quvchi-qizlar o‘zlarining baxtli oila haqidagi tasavvurlarini so‘zlab berishdi. Ularga tajribali ayollar tomonidan turli maslahat va ko‘rsatmalar berib o‘tildi.