Hunarli xor bo‘lmas

Azaldan xalqimiz qandaydir hunarni boshidan tutishni odat qilgan. To‘plangan boylik, mol-davlat ham bir kuni tugashi mumkin. Ammo, hunari bor odam xor bo‘lmaydi. Mehnati bilan halol rizqini topa oladi. Shu sababdan ham usta naqqoshlar-u duradgorlar, kosib-u chevarlar hunari sabab elda aziz.
Ayni ularning xizmatlari bilan yurtimizda ishbilarmonlik, tadbirkorlik muhiti yaratilgan va ustoz-shogird an’analari davom etib kelmoqda. Sho‘rchi tumanidagi “Ko‘klam” va “Xayrabod” mahallasidagi ayollar ham bugun bekorchi emas. Ular ham qiziqish va layoqatiga qarab kasb-hunarga o‘qitilgan, tikuvchilik bilan shug‘ullanib, daromad ko‘rishayotir.