Uzunda “Targ‘ibot karvoni” tashkil etildi

Uzun tumanida oxirgi ikki oy ichida 2 ta YHT sodir bo‘ldi. Oqibatda esa 4 kishi turli darajada jarohatlandi. Holat bundan-da ayanchli bo‘lishi mumkin edi… Ko‘za kunida emas, kunida sinadi deyishadi, e’tiborsizligimiz, yo‘l harakati qoidalarini mensimaslik esa tuzatib bo‘lmas xatolarga yo‘l ochishi hech gap emas. Shirin jonlarni juvonmarg qilishdan oldin to‘xtaylik.
Uzun tumani IIB JXX YHXG hamda tuman favqulotda vaziyatlar bo‘limi, Vatanparvar tashkiloti va mutasaddi tashkilotlar ishtirokida Uzun tumanida tashkil etilgan targ‘ibot tadbiri fuqarolarni to‘xtatishga, yuqoridagi holatlardan saboq olishga chaqirdi. Shu maqsadda so‘zga chiqqanlar, hisobotlarda joy olgan raqamlarga murojaat qilib, holatning naqadar jiddiy ekani, qolaversa, tumanda yil boshidan beri sodir bo‘lgan YTH va ularning sabablari va harakat xavfsizligini ta’minlash sohasida qilinayotgan ishlar haqida gapirib o‘tdi.