Nuroniylar dalada

Ayni mavsumda uyda dam olib yotish yaramaydi. Sababi dalada ishlar qizg‘in tus olgan. Terimchilar oq oltinni terib olishga katta ishtiyoq bilan kirishgan. Yoshlarga ibrat bo‘lish maqsadida Angor tumanidagi bir guruh otaxon va onaxonlarning tumandagi “Saidnosirxon” fermer xo‘jaligiga yordamga borishgani kutilmagan voqea bo‘ldi.
Otaxon va onaxonlar etaklarini taqqancha paxta terishga kirishdilar. Terimda faol qatnashib, barchaga namuna ko‘rsatgan nuroniylar yoshlarni yanada ruhlantirib yubordi va terim yanada jonlandi. Tashabbuskor nuroniy terimchilarning faolligini ko‘rgan tuman hokimi esa minnatdorchilik sifatida dalaga sovg‘a-salomlar bilan keldi va ularni munosib taqdirladi.