Yuzlar ichra birinchi

Sportning badiiy gimnastika turi bo‘yicha Qozog‘iston Respublikasining Aktau shahrida VENERA CUP xalqaro turniri boʻlib oʻtdi. O‘zbekiston, Tojikiston, Qozog‘iston, Isroil va Rossiya Federatsiyasidan kelgan 100 nafardan ortiq sportchi qizlar ishtirokida oʻzaro bellashuvlar qizg‘in tus oldi. Ana shunday chiqishlarda Sariosiyo tumanidan ham vakillar ishtirok etgani quvonchli hodisadir.
Ushbu nafis sport turini o‘z harakatlari ila go‘zalligini ochib bera olgan sariosiyolik Rayhona Rahimova yuzlar ichra yagona deya e’tirof etildi va birinchi o‘rinni qo‘lga kiritib, oltin medal sohibiga aylandi. Ha aytgancha, Rayhonaning sherigi Dilnura Imomova ham bo‘sh kelmadi, 2-oʻrinni band etib, kumush medal bilan kifoyalandi.