…Yangi binosi foydalanishga topshirildi

Ishonch bilan aytish mumkinki, ixtisoslashtirilgan maktab internatlarida ta’lim oluvchi o‘quvchi-yoshlarning oliy ta’limga o‘qishga kirish ko‘rsatkichlari yuqori. Bu esa ushbu dargohlarda puxta va qat’iy tartibda ta’im-tarbiya berilishidan dalolat beradi. Surxondaryo viloyatida esa ana shunday ta’lim muassasalaridan birining binosi qurib bitkazildi. Ya’ni Denov tumanidagi 2-son ixtisoslashtirilgan maktabning 330 o‘rinli o‘quv binosi zamonaviy tipda qurilib, barcha zarur jihozlar bilan ta’minlangan holda foydalanishga topshirildi.
Maktab o‘quv binosining ochilish marosimida viloyat hokimi Ulug‘bek Qosimov ham ishtirok etdi va o‘qituvchi-murabbiylarni yangi bino bilan tabriklab, yosh avlod ta’lim-tarbiyasidagi mashaqqatli faoliyatlarida muvaffaqiyatlar tiladi. Shundan so‘ng, maktab uchun cholg‘u asboblari va sport anjomlari to‘plamlari topshirildi. Viloyat rahbari maktab ma’muriyati, nuroniylar va mas’ullar bilan yangi o‘quv binoda ta’lim jarayonlari uchun yaratilgan zamonaviy shart-sharoitlar bilan tanishdi.