Yoshlarga e’tibor – kelajakka e’tibor

Bugungi yoshlarimiz har sohada o‘z iqtidorlarini namoyish etib, rag‘batlantirilib, e’tiborga tushib, e’tirof etilib kelinmoqda. Ular orasida ilm-u fanga qiziqadiganlar, IT sohasiga qiziqib, dasturlar yaratayotganlar, yosh shoir-u yozuvchilar, sohir mo‘yqalam sohib va sohibalari ham bor.
Sherobod tumanidagi 38-umumta’lim matabining 8-sinf o‘quvchisi Asadbek Xudoyberdiyev ham ana shunday iste’dodlarning biri. Qo‘liga mo‘yqalam tutsa, nigohi tushgan tasvirni oqqa ko‘chirmasdan qo‘ymaydi. Ko‘chirganda ham aslidagidek, jonli tasvirlaydi. Rang tanlashda ham yosh rassomning mahoratiga qoyil qolasiz.
Asadbek “Eng ulug‘, eng aziz” ko‘rik-tanlovining respublika bosqichiga ham ana shunday suratlari bilan ishtirok etdi va g‘olib bo‘ldi. Hakamlarning e’tirofiga sazovor bo‘lib, “Iste’dod” oltin medali bilan taqdirlandi. Shuningdek, Asadbek Xudoyberdiyevga 10 million so‘m pul mablag‘i, qimmatbaho sovg‘alar hamda kitoblar jamlanmasi taqdim etildi.