Va’da bajarildi

Har birimizning fuqaro, ota-ona yoki farzand sifatida o‘z burch va majburiyatlarimiz mavjud. Ayni shunday Muzrabot tumanidagi “Anorzor” mahallasi aholisi o‘zlarining fuqarolik burchlarini bajarib, yer va mol-mulk soliqlarini o‘z vaqtida to‘lab kelishadi. Bir so‘z bilan aytganda, mahalla soliq qarzdorligidan holi hududga aylangan.
Aytish kerakki, albatta, har bir hislatning, yaxshilikning mukofoti bo‘ladi. Xolbuki, fuqarolarning o‘z burch va vazifalarini o‘z vaqtida ado etishning ham. Shu sababli Surxondaryo viloyati hokimi Ulug‘bek Qosimov ushbu mahallaga tashrifi chog‘ida mahalla nuroniylari va faollar bilan uchrashib, ishlar namunali tashkil etilganligi, fuqarolarning soliq madaniyatiga rioya etayotganligi uchun sovg‘a sifatida mahalladagi ichki yo‘llarini asfaltlab berilishini aytdi.
Qisqa fursatda va’da bajarilib, mahalladagi barcha ko‘chalarni toshlash va asfaltlash ishlari boshlab yuborildi.