Tomchilatib sug‘orishadi

Bugungi kunda issiqxona biznesi orqasidan mo‘may daromad topayotganlarni zamonamiz qahramonlari sifatida e’tirof etib, ularni ibrat va namuna sifatida ko‘rsatayapmiz. Shu o‘rinda “mehnatdan-ku qochmaymiz, ammo suv masalasi muammo bo‘ladiganlar nima qilsin”, deydiganlar ham topiladi.
Tinib-tinchimagan qahramonlarimiz esa bu masalasining-da uddasidan chiqib kelmoqda. Jarqo‘rg‘on tumanining “Polvonlar yurti” mahallasida yashovchi fuqarolar Bekzod Ximmatov va Muzaffar Abdullayev xonadonlarida issiqxona tashkil etib, tomchilatib sug‘orishni ham yo‘lga qo‘yishganiga nima deysiz? Ularning yuqori daromad olishlarida bu tashabbusi qo‘l keldi. Tadbirkorlarning amaliy o‘quv seminar o‘tkazildi.
Bekzod Ximmatov xonadonida hozirgi kunda besh sotix issiqxona mavjud bo‘lib, issiqxonada bodiring yetishtirishni yo‘lga qo‘ygan. Har ikki kunda 85-100 kilogramdan ortiq bodiring mahsulotini bozorga yetkazib, aholining oziq-ovqat xavfsizligini ta’minlab, yerdan unumli foydalanib, mahalladagi fuqarolarga ham o‘z tajribalarini o‘rgatib kelmoqda.