“Parlament o‘yinlari”da ikkinchi…

Surxondaryo viloyatida hududlar bo‘ylab o‘tkazilgan “Parlament o‘yinlari” barcha deputatlarni sport turlariga qiziqtira oldi shekilli, faollik ko‘rsatib ishtirok etishdi. Keyingi bosqichda esa Xalq deputatlari tuman va shahar Kengashlari deputatlari o‘rtasida sportning mini futbol, voleybol, stol tennisi va badminton turlari bo‘yicha Qashqadaryo va Surxondaryo viloyat bosqichlarida g‘olib bo‘lgan jamoalar o‘zaro bellashdilar.
Qiziqarli kechgan bahs natijalariga ko‘ra erkaklar o‘rtasida o‘tkazilgan stol tennisi sport musobaqasida Xalq deputatlari Termiz tuman Kengashi deputati Akmal Avliyaqulov faol ishtirok etib, faxrli ikkinchi o‘rinni egalladi. G‘oliblarga tashkilotchilar tomonidan faxriy yorliq va esdalik sovg‘alari topshirildi.