Kredit mablag‘larini talon-toroj qildi

Yurtimizda tadbirkorlik muhitni yaratish, yangidan-yangi ish o‘rinlarini tashkil etish maqsadida banklardan kredit berilishi uchun mablag‘ ajratiladi. Ushbu mablag‘larni boshqa maqsadlarda ishlatish, talon-toroj qilish ko‘pning haqiga xiyonat qilishdek gap. Bunday ishni, manfurlikni o‘ziga ep bilganlar esa afsuski hali-hamon oramizda borligi ayanchli…
Bosh prokuratura huzuridagi Departamentning Qumqo‘rg‘on tuman bo‘limi tomonidan o‘tkazilgan tergovga qadar tekshiruvda “S.L.” va “Q.T.” MChJ norasmiy rahbari U.J. va boshqalar tijorat banki xizmatlar markazidan “S.L.” MChJga limonchilik uchun issiqxona qurishga maqsadida ajratilgan kreditni “Q.T.” MChJga o‘tkazib, aslida esa hech qanday zamonaviy issiqxona tashkil etishmadi. Soxta hujjatlar tayyorlab, ushbu mablag‘larni lizing to‘lovlari va boshqa maqsadlarga yo‘naltirishdi. Bu bilan ular 1 million AQSh dollarlik mablag‘ni o‘zlashtirish yo‘li bilan talon-toroj qilganliklari aniqlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, ayni paytda tergov harakatlari davom etmoqda.