“Sport shifokori” va “Sport dietologiyasi” bo‘yicha…

Magistratura oliy ta’lim tizimida shunday bosqichki, bilim va izlanishlarga keng yo‘l ochib, ilmiy darajaga ega bo‘lish uchun muhim qadam deyish mumkin. “Jismoniy tarbiya va sport sohasi uchun tibbiyot kadrlarini tayyorlash hamda sportchilarga tibbiy xizmat ko‘rsatish tizimini yanada takomillashtirish chora-tadbirlari to‘g‘risida”gi Prezident qarori (PQ–244-son, 28.07.2023 y.)ning qabul qilinishi magistatura mutaxassisligi bo‘yicha yo‘nalishlarining kengayishiga sabab bo‘ldi.
Ushbu qarorga ko‘ra, 2024/2025-o‘quv yilidan Toshkent tibbiyot akademiyasida “Sport shifokori” va “Sport dietologiyasi (ovqatlanish ilmi)” bo‘yicha magistratura mutaxassisliklari joriy etiladi. Ba’zi yo‘nalishlar bo‘yicha esa amaldagi o‘qishga qabul qilishning davlat buyurtmasi parametrlari 2 baravarga oshiriladi.
Davlat sport-ta’lim muassasalarining sport shifokorlari, sport dietologlari va sport farmakologlari Tibbiyot xodimlarining kasbiy malakasini rivojlantirish markazida belgilangan tartibda bepul malaka oshiradi.