IELTS dan 7,5 balni qo‘lga kiritdi

Bilimli va intiluvchan yoshlar doimo e’tiborda va qo‘llab-quvvatlovda. Termizlik Sevinch Hamrayeva ham ana shunday yoshlardan biri. U turli tanlov va fan olimpiadalarida ishtirok etib, yuqori natijalarni qo‘lga kiritib, tengdoshlariga o‘rnak va namuna bo‘lib kelmoqda.
Sevinch barcha fanlarni a’lo darajada o‘zlashtirish bilan birga ingliz tilini o‘rganishga ham qat’iy bel bog‘lab, til o‘rganishga kirishdi. Va buning uddasidan ham chiqdi. Ammo, chet tilini bilish darajasini belgilab berguvchi imtihondan o‘tish uchun oilaviy imkoniyati yetmagani uchun Yoshlar ishlari agentligi tomonidan imtihon xarajatlari to‘liq qoplanib berildi. Bildirilgan ishonch va qo‘llab-quvatlovdan keyin chet tilini bilish darajasini aniqlovchi xalqaro IELTSdan 7,5 balni qo‘lga kiritdi.