Tibbiyot sohasida tahsil olayotgan talabalar uchun nazariy bilimlar bilan bir qatorda amaliyot ham muhim. Sababi amaliyotdan uzilgan mutaxassisni to‘la ravishda shifokor deb bo‘lmaydi. Termiz shahrida faoliyati yo‘lga qo‘yilgan Toshkent tibbiyot akademiyasining filialida o‘qib kelayotgan talaba-yoshlar ham doimiy ravishda o‘z bilimlarini amaliy jarayonlar bilan boyitib kelmoqda.
Bu safar ham filial talabalari Koreya davlatining Pohang kasalxonasiga tashrif buyurib, amaliy jarayonlarda ishtirok etishdi. Kasalxonadagi yangicha davolash usullari bilan tanishdilar. Shu bilan birga Vietnam, Mongolia, rossiyalik talabalar bilan Korea milliy davolash usullari haqida fikr almashishdi.
Kunning ikkinchi yarmida esa Gyeongju milliy muzeyiga tashrib buyurib, Korea tarixi haqida qiziqarli ma’lumotlarga ega bo‘lishdi.
S.Davlatova
