Har bir hududda tibbiyot sohasini isloh qilish, aholi salomatligini yaxshilash uchun yetarli shart-sharoit yaratish Surxondaryo viloyat hokimi ishga tayinlangan ilk kundan boshlab, muhim masalaga aylangan edi. Avvaliga Termiz shahrida, so‘ng tumanlarda bu borada e’tibor qaratildi va diqqatga sazovor ishlar amalga oshirildi.
Viloyat hokimining Denov tumaniga avvalgi tashrifida tuman tibbiyot birlashmasida ta’mirlash, obodonlashtirish ishlarini olib borish topshirig‘i berilib, tuman hokimi rahbarligida shtab faoliyati tashkil etilgan edi.
Qisqa fursatlarda tumanlararo qo‘shma jarohatlar va qon-tomir kasalliklari markazi to‘liq ta’mirlandi, hududdagi yo‘lga asfalt yotqizildi. Ochiq maydonlarda yashil hududlar tashkil etilib, obodonlashtirish va ko‘kalamzorlashtirish ishlari olib borildi. Shuningdek, tungi yoritish chiroqlarini yangisiga almashtirish, mavjud liftni ta’mirlash ishlari amalga oshirilgan. Hozirda tug‘ruqxona bo‘limi binosida ta’mirlash ishlari davom ettirilmoqda.
Sohibjamol
