“O‘ZIMIZ KELDIK”

Har bir viloyat va tumanlarda davlat xizmatlari markazlari hamda filiallarining faoliyati yo‘lga qo‘yilgani davlat xizmatlari ko‘rsatishni yanada qulaylashtirdi. Ayniqsa, navbat kutish, ortiqcha vaqt sarflashning oldini olindi. Bu aholiga xizmat o‘rgatishning eng qulay va puxta o‘ylangan mexanizmidir. Turgan gapki, fuqarolarga yanada yengillik yaratish maqsadida davlat xizmatlarining o‘zi mahallalarda bo‘lib, sayyor xizmatlarini tashkil etdi.
Angor tuman adliya bo‘limi davlat xizmatlari markazi tomonidan tumanning “Xo‘janqon”, “Zartepa” “Zang gilambob”, “Kattaqum” va “Dehqonbirlashuv” mahallalarida, Uzun tuman adliya bo‘limi davlat xizmatlari markazi tomonidan tumanning “Yangi hayot” mahallasida, Muzrabot tuman adliya bo‘limi davlat xizmatlari markazi tomonidan tumanning “Mehrigiyoh” mahallasida, Termiz tuman adliya bo‘limi davlat xizmatlari markazi tomonidan tumaning “At.Termiziy” va “Yangi hayot” mahallalarida sayyor davlat xizmatlari tashkil etildi.
Tadbirlar davomida ishtirokchilarga 120 dan ortiq sayyor davlat xizmatlari ko‘rsatilib, “MOBIL.ID” tizimining afzalliklari, davlat xizmatlarini ko‘rsatishga oid reglament talablari va boshqa jihatlar bo‘yicha tushuntirishlar berilishi bilan bir qatorda targ‘ibot materiallari ham tarqatildi.