“Yangicha ish tizimi joriy etiladi”

Date:

Respublika sud-tibbiy ekspertiza ilmiy-amaliy markazi mutaxassislari tomonidan markazning Surxondaryo filialida uch tomonlama shartnomada belgilanganidek, amaliy-uslubiy yordam ko‘rsatish va filial faoliyatini o‘rganish dasturiga muvofiq amaliy seminar tashkil etildi. Seminarning asosiy maqsadi O‘zbekistonda sog‘liqni saqlash tizimini xalqaro standartlarga to‘liq moslashtirish, sohaning moddiy-texnik bazasini yaxshilash, aholiga malakali tibbiy xizmat ko‘rsatishda yangicha ish tizimini joriy etishdan iborat.
Yaxlit dastur asosida olib borilayotgan ishlar tarkibida to‘rtta alohida yo‘nalish bo‘lib, ulardan biri sud tibbiy ekspertizasi xizmati deb nomlanadi. Mazkur xizmatdan jahonning qariyb barcha mamlakatlarida foydalaniladi. Davrning jadallashuvi hisobiga mutaxassisliklar soni 70 dan ziyodni tashkil etayotir.


— Mamlakatimizda sud tibbiy ekspertizasi xizmati o‘z faoliyatini asosan ikkita yo‘nalishda olib boradi: birinchidan, aholiga ko‘rsatilayotgan tibbiy yordam sifatini yaxshilashda ishtirok etish, ya’ni turli xil kasallanishlar profilaktikasi, kasalliklarning oldini olish va ularning diagnostikasida ishtirok etish hamda tegishli soha mutaxassislari tomonidan aholiga ko‘rsatilayotgan tibbiy yordamda yo‘l qo‘yilgan nuqsonlarni bartaraf etishdir, — deydi markaz direktori o‘rinbosari, tibbiyot fanlari doktori, professor S.Indiaminov. — Ikkinchi vazifa sifatida insonning hayoti va sog‘ligi hamda jinsiy erkinligiga qarshi yo‘naltirilgan g‘ayriqonuniy xatti-harakatlarda turli xildagi sud-tibbiy ekspertizalarini o‘tkazish yo‘nalishini olishimiz mumkin.


Sud tibbiy ekspertizasi xizmatini ko‘rsatish uch pog‘onali bo‘lib, eng quyi pog‘onani tuman va tumanlararo sud tibbiy ekspertiza bo‘linmalari yoki punktlari tashkil etadi. Shuningdek, viloyat, respublika markazlari tuzilmalari shaklida pog‘onalar belgilanadi. 2018-yilda Sud tibbiy ekspertiza amaliyoti ilmiy-amaliy markaz nomini olib, faoliyat doirasi kengaydi.
Ushbu amaliy seminar davomida sud tibbiy ekspertiza ilmiy-amaliy markazining viloyat filialida ekspertlik faoliyatini takomillashtirish, filial faoliyatida mavjud muammolarni o‘rganish va ularni bartaraf etish chora-tadbirlarini belgilash ko‘zda tutilgan. Shuningdek, viloyat shahar va tumanlarida filial faoliyati yuzasidan aholi murojaatlari va ularning ijrosi natijalari o‘rganiladi.
Mutaxassislar tomonidan tashkil etilgan mahorat darslari hamda amaliy seminar uch kun davom etadi.

Dinara Qo‘zimurodova,
Islom Mengliyev
(surat)

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Halollik standarti joriy etiladimi?

Korrupsiya har doim to‘xtaladigan va sarlavhasini ko‘rgandayoq ensa qotadigan...

Imkoniyati sinovdan o‘tdi

Mamlakatimizda fuqarolar tili, millati, irqi, ijtimoiy kelib chiqishidan qat’i...

Tezkor choralar ko‘rish uchun…

Tabiiy ofatlar so‘rab kelmaydi. Shunday ekan, har birimiz ogoh...

Iqtidorlar kashf etildi

"Turon" maktab teatri respublika tanloviga start berilgani maktabdagi iqtidorli,...
KunTun
KunTun