Agrotexnik tadbirlar nazorat qilindi

Paxta dalalaridagi birgina e’tiborsizlik, o‘z vaqtida qilinmagan qarov yil bo‘yi qilingan mehnatni yo‘qqa chiqarib, hosildan umidni uzishga sabab bo‘ladi. Bunda uzoqqa borishning hojati yo‘q, yon-atrofimizdagi holatlar misol bo‘la oladi. Ayni jihatlarni inobatga olgan Angor tumani hokimi Qosim Mardonov dalalarda bo‘lib, qishloq xo‘jaligi sohasida amalga oshirilayotgan ishlarni nazorat qildi.
Bu borada mas’ullar bilan suhbatlashib, paxta ekilgan dalalarga e’tibor qaratish, agrotexnik parvarishni kuchaytirish, paxta hosildorligini oshirish, har qarich yerdan unumli foydalanish lozimligini ta’kidladi. Qolaversa, mahalliy o‘g‘it chiqarish masalalariga e’tibor qaratdi. Shuningdek, tumandagi qoloq deb hisoblangan fermer xo‘jaliklariga mahalliy o‘g‘it chiqarish va paxta parvarishini yaxshilashni ko‘rsatma berib, barchani birdamikka va xushyorlikka chorladi.