Kovrak o‘simligiga shikast yetkazildi

Kovrak o‘simligi xalq orasida oʻzining shifobaxshligi bilan mashhur. Afsuski, soʻnggi yillarda kovrakning yoʻgʻon ildizidagi yelim olinishi natijasida qurib qolmoqda. Ildizi kesilib, yelimi olinganidan keyin esa yerdan kovrak oʻsib chiqmaydi. Natijada, kovrak oʻsadigan tabiiy maydonlar qisqarib, ushbu dorivor oʻsimlik populyatsiyasi anchayin siyraklashayotgani siz-u bizga sir emas. Xolbuki, kovrak urugʻlarini koʻpaytirib, kovrakzorlar barpo etish u qadar oson ish emas. Chunki ekilgan urugʻning hammasi ham koʻkarib chiqavermaydi. Koʻkarib chiqqanlari ham haqiqiy kovrakka aylanguniga qadar bir necha yil talab etiladi.
Shu sababdan ham ushbu noyob o‘simlikni asrash, mahalliy aholining o‘zbilarmonlarcha ish tutmasligi doimiy targ‘ibot-tashviqot ishlari natijasida ogohlantiriladi, tushuntirish ishlari olib boriladi, borilayotir. Ammo, shunga qaramay, Uzun tumanida 2500 dan ortiq kovrak o‘simligiga shikast yetkazildi. Ekologiya vazirligi tomonidan tuzilgan ishchi guruh tomonidan Surxondaryo viloyati, Uzun tumanidagi “Bobotog‘” SIU hududida o‘rganish ishlari davomida aniqlangan ushbu holat davomida tabiiy holda o‘suvchi tojik kavragi o‘simligining 2 421 tasi dimlangani, kartonlangani, 81 tasi esa shirasini olish maqsadida kesilganligi ma’lum bo‘ldi.
Bu holat o‘simlik dunyosiga 40 million 95 ming so‘m miqdorida zarar yetkazishga sabab bo‘ldi.