22 nafar ishsiz ish bilan band

Har qaday tadbirkorlik subyektining tashkil etilishi, faoliyat yuritilishi natijasida mo‘may daromad ko‘rish maqsadi yotadi. Hech kim aholiga ma’naviyat ulashish, san’atga oshno etishdan o‘zgasini o‘ylamaganini ayta olmasa kerak. Ammo, Jarqo‘rg‘on tumani “A.Navoiy” mahallasi hududida O‘zbekiston Respublikasi Madaniyat vazirligi va “A.Akbar” MChJ o‘rtasida davlat-xususiy sheriklik bitimiga asosan madaniyat markazi tashkil etilib, yoshlarni, aholini san’atga oshno etish maqsadi ro‘yobga chiqdi, desak aslo mubolag‘a bo‘lmas. Ushbu madaniyat markazining foydalanishga topshirilishi esa tuman ahli uchun haqiqiy xursandchilik bo‘ldi.
Umumiy qiymati 3,7 milliard so‘m bo‘lgan loyiha doirasida madaniyat markazi, to‘yxona, 4 ta madaniyat to‘garaklari faoliyati yo‘lga qo‘yilgan. Bu xizmat turlarining faoliyati natijasida 22 nafar ishsiz ish bilan band bo‘ldi. Markazning foydalanishga topshirilishi bilan tuman yoshlari raqs, qo‘shiqchilik va rassomchilik to‘garaklariga qatnab, vaqtlarini mazmunli o‘tkazishayotir.