Bugun, 9-iyul mamlakatimizda muhim siyosiy voqea — muddatidan ilgari oʻtkazilayotgan Oʻzbekiston Respublikasi Prezidenti saylovi boshlandi. Soat 8:00 dan e’tiboran Surxondaryoda ham barcha saylov uchastkalari uchastka saylov komissiyalari a’zolari hozirligida tantanali ravishda ochilib, ovoz berish jarayonlari boshlandi.
Xususan, Denov tumanida joylashgan 690-saylov uchastkasida “Chim” mahallasida yashovchi, 100 yoshni qarshilagan Xurram Ishqobilov va uning turmush oʻrtogʻi 95 yoshli Urpiya Eshqobilova 15 nafar oila a’zolari bilan birgalikda Oʻzbekiston Respublikasi Prezidenti saylovida ovoz berishdi.
— Mazkur uchastkada 2 ming 423 nafar fuqaro Prezident saylovida ovoz berishi uchun roʻyxatga olingan. Muddatidan oldin 116 nafar fuqaro ovoz berdi, — deydi 690-saylov uchastkasi raisi Jamshid Pardayev.
