Jarima to‘lashni istamasangiz…

Tasavvur qiling, katta yo‘l bo‘yidasiz, ishga yoki biror yumush bilan otlangansiz. Shu paytda tezlik bilan o‘tib ketayotgan mashina sizga loyqa suv sachratib o‘tib ketdi. Ustingiz bir ahvolda, na ortga qayta olasiz va na yo‘lingizda davom etasiz. Kayfiyatingizni ham tasavvur qilish qiyin emas. Shunday paytda avtomobil egasiga nafratingiz oshganidan bo‘lak hech bir ish qo‘lingizdan kelmasligi yomon.
Albatta, shu paytga qadar shunday bo‘lgandir. Ammo, hozir bunday emas. Qabul qilingan qonunlarimiz bunga yo‘l qo‘ymaydi. Chunki piyodalarga loyqa suv sachratish 165 ming so‘m jarima solishga sabab bo‘ladi. Bu haqida esa Ma’muriy javobgarlik to‘g’risidagi kodeksda batafsil qayd etilgan.