Hamyon

Date:

Bir kishi hamyoni yoʻqolganini payqab qoldi. Butun uyni qidirib, topolmagach, oʻgʻirlatdim degan xulosaga keldi. Soʻnggi paytlarda uyiga kelganlarni birma-bir xayolidan oʻtkazdi va oʻgʻrini “topdi” – u qoʻshnining bolasi. U aynan hamyon yoʻqolishi arafasida uyiga kirgandi. Undan boshqa hech kim bu ishga qoʻl urishi mumkin emas.
Odam koʻchada bolani koʻrib qolib, uning xatti-harakatlarida shubhali alomatlarni sezdi. Bola oʻzini olib qochishga urinar, koʻzlarini yashirar, bir soʻz bilan aytganda, har bir harakati oʻgʻriniki kabi edi. Lekin odamda ochiq-oydin isbot yoʻq, shu sababli nima qilishini bilmasdi. Har gal uchrashganida bola yanada aybdorroq koʻrinar, uning esa gʻazabi ortardi.
Nihoyat toqati toq boʻldi. Qoʻshninikiga kirib, bor gapni aytishga qaror qildi. Xuddi shu payt xotini suyunchilab qoldi:
– Qarang, dadasi, karavot tagidan nimani topdim, – dedi va yoʻqolgan hamyonni uzatdi.
Pullardan bir soʻm ham kamaymagan – hammasi joyida edi.
Ertasi kuni u yana qoʻshnining bolasini uchratdi: na harakati, na qiligʻi, na gap-soʻzi oʻgʻrinikiga oʻxshar edi…

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Faoliyat samaradorligi tanqidiy tahlil qilindi

Adliya vaziri o‘rinbosari X.Meliyev boshchiligidagi ishchi guruh Adliya vazirligining...

Oltin medalni qo‘lga kiritdi

Termiz davlat universiteti sport faoliyati va boshqaruv fakultetida talabalar...

O‘smirlar maydonda

O‘smirlar ham kattalardan qolishmay, sportda o‘z kuch va mahoratlarini...

Mas’ullarning mas’ulligini oshirib…

Yurtimizda kuz mehmon. Qish esa yaqin. Sekin-asta kunlar salqinlashib,...
KunTun
KunTun