OTMlarga o‘qishga kirishga imtiyoz va yengillik beruvchi qarorlarning qabul qilinishi, umuman tizimga oid yangiliklar hech bir yoshni befarq qoldirmasligi aniq. Hatto, o‘qishga kirishda maktabdagi so‘nggi 6 yillik baholarning inobatga olinib, qo‘shimcha ball sifatida qo‘shilishi eng yaxshi yangilik bo‘lgan edi.
O‘quvchi-yoshlar maktabdagi baholarini tuzatib, repititorlardan ortib, o‘qishni ham boshlashgani haqiqat. Shuni alohida e’tirof etish kerakki, Prezidentning 2023-yil 3-iyuldagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g’risida”gi PF–107-sonli farmoni qabul qilindi.
Ushbu Farmon bilan Prezidentning 2020-yil 6-noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora tadbirlari to‘g’risida”gi PF-6108-sonli farmoniga o‘zgartirish kiritildi. Ya’ni, unga ko‘ra majburiy 11 yillik ta’limning so‘nggi 6 yillik baholari o‘rtacha ko‘rsatkichini oliy ta’lim tashkilotiga kirish imtihonlarida inobatga olish 2 yilga kechiktirildi.
S.Murodova
