Shaxmat — aqllar o‘yini. Har bir yurish mushohada bilan o‘ylanib, yetti o‘lchab bir yurish qilinadi. Albatta, o‘ylovlaringiz, yurishlaringiz vaqtning oliy hakamligida nazoratda bo‘ladi. Bugungi o‘zbek yoshlarining shaxmatda erishayotgan yutuqlari esa ushbu sport turini mahorat ila o‘zlashtirganini, o‘z ustida tinimsiz ishlab, mehnat qilishayotganini ko‘rsatadi. Ana shunday iste’dodli yoshlar orasida surxon qizi Umida Omonova ham bor.
Gruziyaning Batumi shahrida o‘tkazilgan 18 yoshgacha bo‘lgan qizlar o‘rtasidagi shaxmat bo‘yicha jahon chempionatida Umida Omonova ham ishtirok etdi. Chempionatning rapid yo‘nalishida 10 imkoniyatdan 9 ochko to‘plagan vohadoshimiz Umida Omonova jahon chempioni bo‘ldi.
Hilol
