KITOBGA OSHNO QILDI

Date:

Eng yaxshi sovg‘a bu kitob bo‘lsa kerak. Ayniqsa, izlab yurgan kitobingizni tuhfa qilishsa bormi, eng yaqin do‘stingizni topib berishgandek quvonasiz. Hattoki, kitob o‘qimas do‘stingizga ham kitob sovg‘a qilingchi, hech bo‘lmaganda zerikishdan varaqlaydi-da, albatta, kitob o‘qishni yoqtirib qoladi.
Yurtimizda amalga oshirilayotgan ma’naviy-ma’rifiy tadbirlar, kitobxonlik tanlovlari-yu adabiy uchrashuvlar negizida ham siz-u bizni kitobga oshno qilish maqsadi mujassam. Bu esa faqat o‘zimizga foyda ekanini tushunib yetishimiz qolgan xolos.
Bo‘sh vaqtimizni qanday o‘tkazmoqdamiz? Shu haqida bir o‘ylab ko‘rmoqlik va uning har soniyasidan unumli foydalanishni puxta reja qilmoqlik lozim. Albatta, ana shu rejalarning eng oliy pog‘onasida kitob mutolaasi bo‘lar ekan, eng katta topilmamiz ham, kelajak uchun qo‘ygan jiddiy qadamimiz ham shu bo‘ladi.
Bu esa kitobga bo‘lgan qiziqishni oshirish orqali bilimimizni, dunyoqarashimizni boyitishga xizmat qiladi. Termiz davlat universitetida “30-iyun – “Yoshlar kuni” munosabati bilan “Yangi O‘zbekiston yoshlari birlashaylik!” shiori ostida, “Yoshlar oyligi” doirasida tashkil etilgan kitoblar yarmarkasi ham ana shu maqsadlarga xizmat qildi.
Kitob yarmarkasiga kelgan talabalar so‘nggi yillarda nashr etilgan eng sara adabiyotlar bilan tanishib, ular haqida to‘liqroq ma’lumotlarga ega bo‘lishdi.

Sohibjamol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Menda savol bor?

Qaysi holatlarda notarial harakatni amalga oshirishni rad etish mumkin?—...

“Men buni uddalay olaman”

Hayot — bu turli sinovlar va imkoniyatlarga to‘la daryoga...

Metodik mahorat muhim

Maktabgacha ta’lim tizimi — bolalarning o‘qish, rivojlanish va tarbiya...

Ziyoratga olib boruvchi yo‘l obodonlashtirilmoqda

Yurtimizning qay bir hududiga bormang, qadimiy ziyoratgohlar, ularning nomlanishi,...
KunTun
KunTun