O‘quv yili davomida talaba va o‘quvchi-yoshlar o‘z mutaxassisliklari bo‘yicha nazariy bilimlarni olib, soha sirlarini o‘rganishdi. O‘quv yilining yakunlanishi bilan esa malakaviy amaliyot ishlari boshlab yuborildi. Nazariy bilimlarning amaliyotda sinalishi taassurot va tasavvurlarning oshishiga xizmat qiladi. Egallanayotgan mutaxassislikka nisbatan qiziqishni yanada oshirib, kelgusidagi faoliyatga mehr-muhabbat va ishtiyoqni oshiradi. Bu galgi amaliyot ham ana shunday ahamiyatga ega bo‘ldi.
Sherobod va Muzrabot tumanlaridagi professional ta’lim muassasalari o‘quvchilari nazariy bilimlarini amaliy va unumli mehnat bilan bog‘lab, ko‘nikma va malaka hosil qilishlarilari uchun korxona va tashkilotlarda amaliyotlar o‘tashmoqda.
O‘quvchilar o‘z mutaxassisliklari bo‘yicha maktabgacha ta’lim tashkilotlarida bolajonlar bilan ishlayotgan bo‘lsa, boshqalari tikuv sexlarida tikish-bichish ishlariga sho‘ng‘ib ketishdi. Kompyuter texnologiyalari bo‘yicha bilimga ega yoshlar esa IT texnologiyalari bo‘yicha bilganlarini amaliyotda sinab ko‘rayotir. Ustachilik sirlarini o‘rganganlar esa ustaxonalarda mashinalarni tuzatishga kirishgan. Bunday amaliy jarayonlar esa o‘z navbatida bitiruvchilarni o‘zlariga munosib ish topishlariga imkoniyat yaratishga ham xizmat qiladi.
Hilol
