Stipendiya to‘lanadigan o‘quv kurslari tashkil etiladi

Date:

Ishingiz yoki mehnatingiz rag‘bat topsa, albatta, bu shijoatingizni oshiradi. Yanada yaxshi ishlashga, oldinga qarab intilishga harakat qilasiz. Ana shunday tizim talabalarning bo‘sh vaqtlarini mazmunli tashkil etishga, ilm-fan sirlarini yanada chuqurroq o‘rganishga undasa, demak u ayni zarurat bo‘lmog‘i lozim. O‘zbekistonda talabalar uchun har oy stipendiya (1 million 320 ming so‘m) to‘lanadigan o‘quv kurslari tashkil etilishi ham rag‘batning bir ko‘rinishi deyish mumkin. Bu bo‘yicha esa joriy yilning 19-may kuni Vazirlar Mahkamasi “Mirzo Ulug‘bek vorislari” tayyorlov o‘quv kurslarini tashkil etish chora-tadbirlari to‘g‘risida”gi qarori qabul qilindi.
Buning uchun har bir talaba o‘z qiziqishi, layoqatiga mos keladigan o‘quv kurslarini tanlashi mumkin. Axborot texnologiyalaridan va kommunikatsiyalardan foydalanish (boshlang‘ich), matematik statistika, algoritmlash asoslari, ma’lumotlarni qayta ishlash, dasturlash tillari (Phthon), ingliz tili va qaror qabul qilish asoslari kabi o‘quv kurslari mavjud bo‘lib, har bir kurs jamoa bo‘lib ishlash va boshqa yo‘nalishlar bo‘yicha ham tashkil etilishi mumkin. Birinchi o‘quv yilida kamida 60 nafar tinglovchi qabul qilinsa, keyingi yillarda tinglovchilar soni ehtiyojdan kelib chiqib, oshirib boriladi.
Ta’lim olish 34 hafta muddat davomida “Blending learning – aralash ta’lim texnologiyasi” asosidagi o‘quv dasturiga muvofiq tashkil etiladi. Ushbu kurslarga respublika davlat OTMlarining bakalavriat bosqichida (barcha ta’lim shakli bo‘yicha) 2-kursni muvaffaqiyatli tamomlagan (akademik qarzdorligi bo‘lmagan) talabalar ishtirok eta oladi.
O‘quv kurslarini muvaffaqiyatli tamomlagan tinglovchilarga tegishli yo‘nalishi bo‘yicha davlat namunasidagi sertifikat beriladi.

H.Kamolova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun