Adabiyot katta bir ummon. Unda ijod qilguvchi ijod ahlining ijodini o‘rganmoq, tadqiq etmoq esa katta bir mas’uliyat. Buning uchun eng avvalo ilm, qiziqish, saviya va izlanish kerak bo‘ladi. Bari jam bo‘lib tahlil etiladi-da, ilm yo‘lida nimagadir erishishga sabab, turtki bo‘ladi. Ana shunday maqsadda Termiz davlat universitetida Shukur Xolmirzayev hayoti va ijodini o‘rganish, faoliyatini yoritish, ilmiy tadqiq qilish hamda targ‘ib etish yo‘nalishida izlanish olib borayotgan, alohida faollik ko‘rsatgan o‘qituvchi va talabalarni rag‘batlantirish maqsadida – Shukur Xolmirzayev nomidagi maxsus stipendiya hamda ko‘krak nishoni uchun hujjatlar qabul qilindi.
Mavzuga, adabiyotga qiziqqan yosh talabgorlar borki, o‘zlarini sinab ko‘rdi. Adabiyot maydoniga chiqib, o‘qib o‘rganishdi, izlanishdi. Izlanishlari mevasini esa taqdim etishdi. Universitetda ushbu stipendiyaga da’vogar bo‘lgan nomzodlarni saralash maqsadida tuzilgan maxsus komissiya tomonidan esa suhbat o‘tkazilib, munosiblar saralanmoqda. So‘zi, fikrlari dadil, qalami o‘tkir izlanuvchilargina maxsus stipendiya va ko‘krak nishoniga munosib ko‘riladi.
H.Baxtiyorova
