Kurash sirlarini o‘rgangan har qanday alp yigit borki, maydonga tushishni, raqibi bilan bellashib, kurashishni istaydi. Tomiridagi qon ko‘pirib, vujudida bir jo‘shqinlik sezadi. Polvon faqat va faqat mardi-maydon bo‘lib, kurashib yashaydi. Jarqo‘rg‘on tumanidagi sport maktabida ham erkin kurash bo‘yicha bo‘lib o‘tgan viloyat birinchiligi musobaqasida qonida ana shunday jo‘shqinlik bor yosh polvonlar maydonga tushdilar. Musobaqa 2010-yilda tug‘ilgan o‘smirlar o‘rtasida boshlandi.
Viloyatimizning shahar va tuman jamoalaridan 156 nafar o‘smir 7 ta vazn toifasida g‘oliblik uchun kurash olib bordi. Qiziqarli kechgan bahslarda alp yigitlar g‘oliblik uchun kurashdilar. Jismoniy tayyorgarligi, erkin kurash sport turini nechog‘lik o‘zlashtirgani-yu, mahoratlarini ishga soldilar. Musobaqa so‘nggida esa g‘oliblar diplom hamda medallar bilan taqdirlandilar.
Hilol
