Ommaviy qabulda 131 nafar mahkum muddatidan oldin ozod etildi

Date:

Inson qadri har qachongidan-da ulug‘lanayotgan bir paytda amaldagi siyosatimiz ham ayni shunga hamohang tarzda islohotlarni amalga oshirayotir. Shuning uchun ham jamiyatda adolat qaror topib, fuqarolarning siyosatdan, jamiyatdan roziligiga erishilmoqda. Mana shunday ishlarning izchil davomi sifatida davlat rahbarining topshirig‘i asosida Respublika ishchi guruhi tuzilib, asosan sud-huquq masalalari bo‘yicha Qarshi shahrida navbatdagi ommaviy qabul tashkil qilinganidan xabarimiz bor.
Ushbu qabul ko‘plab muammo va kamchiliklarning munosib yechim topishiga xizmat qilganini qabulda bo‘lganlar guvoh bo‘lishdi. Albatta, respublikamizning turli hududlaridan Qarshi shahrigacha madad izlab borib, muammosi hal bo‘lganidan yuzi yorug‘, yelkasidan tog‘ ag‘darilganday uyiga qaytishi quvonchli hodisadir.


Jumladan, qabullar davomida sud-huquq masalalariga oid 31 ta murojaat bo‘yicha ariza Oliy sud tomonidan kassatsiya tartibida mazmunan ko‘rib chiqish uchun qabul qilinib, tegishli sudlov hayʼatlariga hal etish uchun o‘tkazildi. 131 nafar mahkum jazoni o‘tashdan muddatidan ilgari shartli ravishda ozod qilingan bo‘lsa, 39 nafar mahkumni ozodlikdan mahrum qilish jazosi yengilroq jazo turiga almashtirildi.
Asossiz ravishda ishdan bo‘shatilgan 9 nafar ichki ishlar tizimi xodimi ishiga qayta tiklandi. Ular orasida vohadoshimiz surxondaryolik Nilufar Ortiqova ham bor. U adolat va haqiqat uchun uzoq muddat kurashib, yengib chiqqach, yana o‘z sohasi, o‘z vazifasiga qaytyapti.


Termizlik Dilorom Muhammadiyevaga esa Bosh prokuratura masʼullariga murojaatidan so‘ng, faoliyat yuritib kelgan korxonadan 76 million so‘mdan ziyod ish haqi undirib berildi. Sho‘rchilik 75 yoshli tadbirkor Anor Xo‘jamurodovaning esa karyerdan foydalanish muddatini uzaytirish masalasi nazoratga olindi.
Xullas, bunday misollarga uzoq to‘xtalish mumkin. Asosiysi, ijtimoiy-iqtisodiy masalalar ham masʼullar eʼtibor markazida bo‘ldi. Fuqaroning o‘z tadbirkorlik faoliyatini yo‘lga qo‘yishlari uchun kreditlar olib berilishi, ishga joylashtirilishi, uy-joyini taʼmirlashi, ijtimoiy ahvolini yaxshilashi va davolanishi uchun kerakli yordamlar ko‘rsatildi.
Erta tongdan kun botgunga davom etgan ommaviy qabulda 1 ming 234 ta masala ko‘rib chiqilib, ularning 347 tasi joyida hal qilindi, 495 nafar murojaatchiga huquqiy tushuntirish va maslahat berildi. 392 ta masala esa nazoratga olindi. Mutasaddi idoralar rahbarlariga nazoratga olingan har bir murojaatni o‘z vaqtida, qonun doirasida ko‘rib chiqish yuzasidan tegishli ko‘rsatmalar berilib, ijrosi qat’iy nazoratga olindi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun