Oromgohlar mavsumga shay… mi?

Date:

Kunlar isib, maktablarda o‘quv yili yakunlanishiga ham muddat oz qoldi. Yil bo‘yi ta’lim-tarbiya olib, o‘qib-o‘rganish bilan band bo‘lgan yoshlar yozning birinchi oyidanoq yozgi sog‘lomlashtiruvchi oromgohlarga, ko‘ngilochar maskanlarga yo‘l olishadi. Ta’tilni munosib o‘tkazib, xordiq olishni-da o‘z o‘rniga qo‘yishadi.
Yozning jazirama issig‘ida vaqt o‘tkazmoqlikning o‘ziga yarasha gashti, zavqi-yu sururi bor, albatta. Termiz shahridagi Surxon daryosining bo‘yida joylashgan “Amudaryo” oromgohi ham yoshlarning ko‘ngildagidek vaqt o‘tkazishi uchun eng yaxshi maskan aslida. Buni o‘tgan yillar davomida dam olib ketgan bolalar juda yaxshi biladi. Balki bu safargi ta’tilda ham ayni shu oromgohga kelmoqlikni maqsad qilishgan bo‘lsa, ajab emas.
“Amudaryo” oromgohi har yili yoz mavsumida minglab bolalarni o‘z bag‘riga oladi. Bu yil ham bundan mustasno emas, shu sababdan ham hozirdanoq barcha sharoitlarni yaratib, yozgi mavsumga bolalarni qabul qilish uchun tayyorgarlik ishlari boshlab yuborilgan.
Surxondaryo viloyat hokimi Ulug‘bek Qosimov ushbu oromgohda bo‘lib, mavsumga tayyorgarlik jarayonlari qanday kechayotgani bilan qiziqdi. Albatta, oromgohda obodonlashtirish ishlari olib borish bilan birga, mavjud plyaj atrofi ham tozalanadi. Sanitariya holati yaxshilanib, cho‘milish uchun shay holatga keltiriladi. Qolaversa, oromgoh binolarini tartibga keltirish, jihozlarni yangilash masalalari ham masʼullar nazoratida. Ushbu tayyorgarlik ishlari 1 oy davom etadi.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Ibrat farzandlari” ibrat ko‘rsatdi

Til bilishga qiziquvchi yoshlarning safi tobora kengayib bormoqda. Qay...

Yangi loyihalar taqdimoti bilan tanishildi

Surxondaryo viloyati hokimi Ulug‘bek Qosimov Jarqo‘rg‘on tumaniga tashrif buyurib,...

G‘alladan bo‘shagan yer maydonlari yoqib yuborildi

Ma’lumki, inson salomatligi muhim ahamiyatga ega, buning uchun eng...

Voha bo‘ylab sayohat

Ta’til maroqli o‘tishi uchun har bir kunni munosib rejalashtirish...
KunTun
KunTun