O‘zbekistonda Ramazon hayiti munosabati bilan barcha xodimlar ketma-ket 3 kun dam olishi mumkin. Bu haqda Prezident huzuridagi Davlat xizmatini rivojlantirish agentligi matbuot xizmati xabar berdi.
2023-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risidagi Prezident farmonida haftasiga 6 kun ishlaydiganlar uchun 24-aprel (dushanba) qo‘shimcha ishlanmaydigan kun sifatida belgilangan.
5 kunlik ish haftasida ishlaydigan xodimlar uchun dam olish kunlari:
22-aprel — shanba;
23-aprel — yakshanba;
24-aprel — dushanba (ko‘chirilgan dam olish kuni).
Yaʼni, 5 kun ishlovchilar uchun dushanba kuni dam, 29 aprel — shanba esa ish kuni bo‘ladi.
Agar 22-aprel — shanba O‘zbekiston musulmonlari idorasi ulamolari xulosasi asosida Ramazon hayitining 1-kuni sifatida belgilansa, 21 aprel — juma kuni kundalik ish (smena) muddati barcha xodimlar uchun kamida 1 soatga qisqartiriladi.
