O‘qituvchi deganda oliy ma’lumotga ega mutaxassislarni tushunamiz. So‘nggi yillarda ta’lim sohasidagi islohotlar sabab, qolaversa, talab va ehtiyojdan kelib chiqib, o‘rta-maxsus ma’lumotli pedagog-kadrlar ham oliy ma’lumotga ega bo‘lish uchun harakat qilishdi. Xolbuki, hozirgi vaqtda maktab va kasb-hunar kollejlari tizimida o‘rta-maxsus ma’lumotli kadrlarni uchratmaymiz hisob.
Ammo, shunday pedagogik faoliyat bilan shug‘ullanuvchi mutaxassislar borki, ulardan oliy ma’lumot talab qilinmaydi. Qanday deysizmi? Ular ishlab chiqarish ta’limi ustalari bo‘lib, ushbu mutaxassislar qayta tayyorlash kurslaridan o‘tmasdan turib ham kollej va texnikumlarda pedagogik faoliyat bilan shug‘ullanishga haqli. Xolbuki, zarurat bo‘lganda kollej va texnikumlar ishlab chiqarish ta’limi ustalarini, shuningdek tegishli bilim hamda amaliy ko‘nikmalarga ega bo‘lgan, oliy ma’lumoti bo‘lmagan boshqa mutaxassislarni amaliy va qo‘shimcha mashg‘ulotlarni olib borish uchun jalb etishi mumkin.
Manbalar asosida H.Baxtiyorova tayyorladi
